ஶ்ரீ தத்த் 'கருணாத்ரிபதி'யின் முதல் பாடலின் பொருள்

ஶ்ரீ தத்த் 'கருணாத்ரிபதி'யின் முதல் பாடலின் பொருள்

 சாந்த ஹோயி ஶ்ரீகுருதத்தா । மம சித்தா ஷமவீ ஆதா ॥சாந்த॥ (பல்லவி)

ஓ ஸ்ரீ குருதத்தா, நீங்கள் எப்போதும் அமைதியாகவே இருக்கிறீர்கள். உங்களுக்கு கோபம் வருவது சாத்தியமே இல்லை. ஆனால் பக்தர்களின் நன்மைக்காக நீங்கள் ஏற்றுக் கொண்ட கோபத்தைக் கண்டு எனக்கு பயம் ஏற்படுகிறது. ஓ ஸ்ரீ குருராயா, தயவுசெய்து என் மனதிலுள்ள பயத்தை அமைதிப்படுத்துங்கள். பயம், அச்சம், நிலையற்ற தன்மை மற்றும் பாதுகாப்பின்மையால் சூழப்பட்டிருக்கும் என் மனதை அமைதிப்படுத்துங்கள், இவை அனைத்தையும் சமன் செய்யுங்கள்.

தூ கேவல மாதாஜனித்தா ।ஸர்வத்தாதூஜி ஹிதகர்த்தா ।

தூஆபத ஸ்வஜன ப்ராதா ।ஸர்வத்தா தூஜிரே த்ராதா ॥

பயகர்த்தா தூ பயஹர்த்தா ।

தண்டதர்தா தூஹ பரிபாதா ।

துஜவாஜ்ஜூனிநதுஜீ வார்த்தா । தூ ஆர்தா ஆஷ்ரய தாதா ॥ 1 ॥சாந்த॥

ஓ ஸ்ரீ குருராயா, நீங்கள் மட்டுமே என் தாய் மற்றும் தந்தை, அதாவது எனக்கு பிறப்பு அளித்தவரும், என்னை வளர்ப்பவரும் நீங்களே. நீங்கள் மட்டுமே எல்லா விதத்திலும் எனக்கு நன்மை செய்பவர். நீங்கள் மட்டுமே என் உண்மையான உறவினர், என் சொந்தக்காரர், என் சகோதரரும் நீங்களே. நீங்கள் மட்டுமே என்னை முழுவதுமாக காப்பவர்.


எங்கள் நன்மைக்காக, தேவைப்படும் போது பயத்தை உருவாக்குபவரும், பயத்தைக் காட்டுபவரும் நீங்களே, மேலும் பயத்தைப் போக்குபவரும் நீங்களே. இதற்காகவே நீங்கள் கையில் தண்டை ஏந்தியிருக்கிறீர்கள், மேலும் தண்டனையிலிருந்து காப்பாற்றுபவரும், மன்னிப்பவரும் நீங்களே. உங்களைத் தவிர எனக்கு வேறு யாரும் இல்லை, உங்களைத் தவிர எனக்கு வேறு எதுவும் தெரியாது. என் போன்ற துயரமடைந்தவர்கள், துன்பத்தில் உள்ளவர்கள், கஷ்டத்தில் உள்ளவர்களுக்கு நீங்களே அடைக்கலம் தருபவர். ஓ ஸ்ரீ குருதத்தா, நீங்கள் மட்டுமே எங்களை போன்ற துயரமடைந்தவர்களுக்கு ஒரே அடைக்கலம்.

அபராதஸ்தவ குருநாதா । ஜரி தண்ட தரிஸீ

யதார்த்தா ।

தரி ஆம்ஹீ காவுனிகாத்தா । தவ சரணீஂ நமவூ மாத்தா ॥

தூ ததாபி தண்டிசி தேவா । கோணாச்சா மககரு தாவா।

ஸோடவிதா துஸரா தேவ்வா।கோன் தத்தா ஆம்ஹா த்ராதா? ॥ 2 ॥சாந்த॥

ஓ ஸ்ரீ குருநாதா! எங்கள் குற்றங்கள், தவறான நடத்தைகள், பாவங்களை தண்டிப்பதற்காக, அதாவது எங்கள் நன்மைக்காக நீங்கள் கையில் தண்டததை ஏந்தியிருக்கிறீர்கள். இது சரியானதாக இருந்தாலும், குற்றவாளிகளான நாங்கள் உங்கள் நாம சங்கீர்த்தனம் செய்து, உங்கள் சரித்திரம், லீலைகளைப் புகழ்ந்து, உங்கள் திருவடிகளில் தலை வணங்கி உங்கள் அடைக்கலம் தேடி வந்துள்ளோம்.


அப்படியும் கூட, ஓ தேவா, நீங்கள் எங்களைத் தண்டித்தால், அப்போது நாங்கள், உங்கள் பிள்ளைகள், யாருடைய உதவியை நாட முடியும்? ஓ ஸ்ரீ குருதத்தா! உங்களைத் தவிர எங்களை குற்றங்கள், துயரங்கள், வேதனைகளிலிருந்து காப்பாற்றும், எங்கள் பாதுகாவலர் வேறு யார் இருக்கிறார்கள்? யாரும் இல்லை.

தூ நடஸா ஹோவுனிகோப்பீ ।தண்டிதாஹி ஆம்ஹீ பாபி।

புனர்பிஹிசுக்கத் ததாபி । ஆம்ஹாவரிநஜசந்தாபி॥

கச்சதஃ ஸகலனக்வாபி । அஸே மானுநி நஜ ஹோ கோப்பீ।

நிஜ க்ருபாலேசரே ஓபீ । ஆம்ஹாவரி தூ பகவந்தா ॥ 3 ॥சாந்த॥

உண்மையில், நீங்கள் உங்கள் பிள்ளைகள் மீது கோபம் கொள்வதே இல்லை. ஒரு நடிகரைப் போல, எங்கள் நன்மைக்காக நீங்கள் கோபம் கொண்டதாக நடிக்கிறீர்கள். அந்த நடிகரைப் போலவே கோபத்தை ஏற்றுக்கொண்டு நீங்கள் எங்களை போன்ற பாவி உயிர்களை தண்டிக்கிறீர்கள். ஆனாலும், நாங்கள் அறியாதவர்கள், திருந்தாமல் மீண்டும் மீண்டும் அதே தவறுகளை செய்கிறோம். அதனால்தான், ஓ ஸ்ரீ குருதத்தா, நீங்கள் எங்கள் மீது கோபப்பட வேண்டாம் என்று நாங்கள் பிரார்த்திக்கிறோம்.


'கச்சத: ஸ்கலனம் க்வாபி' என்றால், ஒரு பாதையில் நடந்து செல்லும் ஒரு நபர் சில சமயம் வழுக்கி விழுவது போல, நாங்களும் காரியங்களை செய்யும் போது தவறுகள் செய்யக்கூடும் மற்றும் செய்கிறோம், இதை அறிந்து நீங்கள் எங்கள் மீது கோபப்பட வேண்டாம். ஓ பகவானே! உங்கள் கருணையின் துளியை எங்கள் மீது பொழியுங்கள், ஏனெனில் உங்கள் கருணையின் ஒரு சிறு துளி கூட எங்களை உயர்த்த போதுமானது.

தவ பதரி அஸத்தா தாத்தா । ஆடமார்கீ பாவுல படத்தா ।

சம்பாலுனி மார்காவரதா ।அனிதா ந துஸ்ரா த்ராதா ॥

நிஜவிருதா ஆணுனி சித்தா । தூ பதீதபாவந தத்தா ।

வலேஆதா ஆம்ஹாவரதா|

கருணாகனதூ குருநாதா

॥ 4 ॥சாந்த॥

ஓ பக்தர்களின் தந்தையான ஸ்ரீ குரு தத்தாத்ரேயா! உங்கள் தாமரை பாதங்களின் அடைக்கலம் பெற்ற பிறகும் எங்கள் கால் தவறான வழியில் சென்றால், அதாவது நாங்கள் தவறாக நடந்தால் கூட, நீங்கள் எங்களைக் காப்பாற்றி பாதுகாப்பாக மீண்டும் சரியான பாதைக்கு கொண்டு வருகிறீர்கள். எங்களை காப்பாற்ற வேறு யாரும் இல்லை..

பாவிகளை காப்பவரே ஸ்ரீ குருதத்தா, கருணையின் மேகமே, உங்கள் இந்த பெருமையை மனதில் கொண்டு உங்கள் கருணையை எங்கள் மீது தொடர்ந்து பொழிந்து கொண்டே இருங்கள்.

சஹகுடுஂம்ப சஹபரிவார ।தாஸ் ஆம்ஹீ ஹே கரதார।

தவ பதரிஅர்பூ அஸார ।சம்சாரஹித ஹா பார ।

பரிஹரிஸீ கருணாசிந்தோ । தூ தீனாநாத ஸுபந்தோ ।

ஆம்ஹா அகலேஸ ந பாதோ । வாஸுதேவப்ராதிர்த்ததத்தா ॥ 5 ॥சாந்த॥

ஸ்ரீ குரு தத்தாத்ரேயா, நாங்கள் குடும்பத்துடன், சுற்றத்தாருடன் உங்கள் தாசர்கள். இந்த நிலையற்ற மற்றும் கண நேர உலகின், இந்த வீடு மற்றும் குடும்பத்தின் மீதான பற்று, எங்கள் செயல்கள் அனைத்தும் எங்கள் முழுமையான வளர்ச்சிக்கு தடையாக உள்ள ஒரு சுமை, அது எங்கள் நன்மைக்கு எதிரானது. எங்கள் இந்த முழு சுமையையும் நாங்கள் உங்கள் திருவடிகளில் சமர்ப்பிக்கிறோம்.


ஓ குரு ராயா! ஓ கருணையின் கடலே! நீங்கள் எங்களைப் போன்ற ஏழைகளின் நாதர், எங்கள் நன்மை விரும்பி. நீங்கள் எங்கள் எல்லா துயரங்கள்-கஷ்டங்கள், கெட்ட விதி, தவறான செயல்களை முழுவதுமாக நீக்குகிறீர்கள். ஓ தத்தாத்ரேயா! நான் வாசுதேவ ( பரமபூஜ்ய பரமஹம்ச பரிவ்ராஜகாச்சார்ய ஸ்ரீ

வாசுதேவானந்த சரஸ்வதி சுவாமி), உங்கள் சேவையில் எங்கள் பாவங்களின் ஒரு சிறு துளியும் எங்களை பாதிக்கக்கூடாது என்று உங்களிடம் பிரார்த்திக்கிறேன்.